Вашингтон Москва билан муҳим йўналишда музокара ўтказишга тайёрлигини билдирди
Бу ташаббус Жозеф Байден томонидан илгари сурилганди.
АҚШ Россия билан стратегик ҳужумкор қуролларни қисқартириш бўйича шартномани кўриб чиқишга тайёр. Бу ҳақда давлат котиби ўринбосари Бонни Женкинс маълум қилди.
"Биз, икки энг йирик ядро давлатлари, ядро қуролларини қисқартиш бўйича натижага эришгандик. Бу бир неча йиллик меҳнат натижаси эди. Янги келишувдан умидвормиз. Амалдаги шартнома 2026 йилда тугайди. Биз музокаралар столига қайтишни ва Россия билан мулоқот бошлашни истаймиз", — деган дипломат.
Шу билан бирга музокаралар столига қайтиш Москванинг бу йўналишдаги хоҳишига боғлиқ эканлиги таъкидланган.
Душанба куни Жозеф Байден Вашингтоннинг Москва билан стратегик ҳужумкор қуролларни қисқартириш бўйича музокараларга қайтишга тайёрлигини билдирди.
Аввалроқ Ғарб Россияга қарши айрим санкцияларни юмшатгани маълум бўлганди.
