Afg‘onistonning Vashingtondagi elchixonasi va Nyu-York hamda Los-Anjelesdagi konsulligi o‘z faoliyatini to‘xtatdi. Bu haqda Pajhwok xabar berdi.
Diplomatik vakolatxonalar yopilishiga moliyaviy manbalarning ajratilmagani sabab bo‘lgan. AQSH administratsiyasi tomonidan elchixona bank hisob raqamlarining muzlatib qo‘yilishi moliyaviy qiyinchiliklarga sabab bo‘lgan.
Afg‘on diplomatlari AQSH davlat departamentiga yordam so‘rab murojaat qilgan. Shuningdek, Vena konvetsiyasiga asosan hukumatga diplomatik missiya binolarini saqlash taklif qilingan.
Xabarda qo‘shimcha qilinishicha, diplomatik faoliyat 16-mart kuni to‘xtatilgani aytilgan.
Avvalroq Jahon bankining Afg‘onistonga oid maxsus hisoboti eʼlon qilingandi.