Вашингтондаги Афғонистон элчихонаси ёпилди
Бунга нима сабаб бўлгани очиқланди.
Афғонистоннинг Вашингтондаги элчихонаси ва Нью-Йорк ҳамда Лос-Анжелесдаги консуллиги ўз фаолиятини тўхтатди. Бу ҳақда Pajhwok хабар берди.
Дипломатик ваколатхоналар ёпилишига молиявий манбаларнинг ажратилмагани сабаб бўлган. АҚШ администрацияси томонидан элчихона банк ҳисоб рақамларининг музлатиб қўйилиши молиявий қийинчиликларга сабаб бўлган.
Афғон дипломатлари АҚШ давлат департаментига ёрдам сўраб мурожаат қилган. Шунингдек, Вена конвециясига асосан ҳукуматга дипломатик миссия биноларини сақлаш таклиф қилинган.
Хабарда қўшимча қилинишича, дипломатик фаолият 16 март куни тўхтатилгани айтилган.
Аввалроқ Жаҳон банкининг Афғонистонга оид махсус ҳисоботи эълон қилинганди.
