Vengriya parlamenti mamlakat prezidenti Katalin Novakning kutilmagan iste’fosidan ikki hafta o‘tib, Konstitutsiyaviy sud raisi Tamas Sulyokni mamlakatning navbatdagi prezidenti etib sayladi.
Bosh vazir Viktor Orbanning yaqin ittifoqchisi Katalin Novak bolalar uyidagi jinsiy zo'ravonlikni yashirishga yordam berganlikda ayblangan odamni avf etgani uchun boshlangan noroziliklar ortidan iste'foga chiqqan edi.
Tamas Sulyok 2016-yildan beri Vengriya oliy sudi raisi bo‘lib ishlaydi. U 5 martdan yangi vazifani bajarishga kirishishi kutilmoqda.