Венгрия парламенти мамлакат президенти Каталин Новакнинг кутилмаган истеъфосидан икки ҳафта ўтиб, Конституциявий суд раиси Тамас Сулёкни мамлакатнинг навбатдаги президенти этиб сайлади.
Бош вазир Виктор Орбаннинг яқин иттифоқчиси Каталин Новак болалар уйидаги жинсий зўравонликни яширишга ёрдам берганликда айбланган одамни авф этгани учун бошланган норозиликлар ортидан истеъфога чиққан эди.
Тамас Сулёк 2016 йилдан бери Венгрия олий суди раиси бўлиб ишлайди. У 5 мартдан янги вазифани бажаришга киришиши кутилмоқда.