Joriy yilning 19–24-sentabr kunlari O‘zbekiston Respublikasi Tashqi ishlar vaziri Vladimir Norov boshchiligidagi delegatsiya Nyu York shahrida tashrif bilan bo‘ladi. Bu haqda vazirlik matbuot xizmati xabar qilmoqda.
Qayd etilishicha, Vladimir Norov Birlashgan Millatlar Tashkiloti Bosh Assambleyasi 77-sessiyasining Umumiy munozaralarida nutq so‘zlaydi.
Shuningdek, tashrif doirasida O‘zbekiston delegatsiyasi qator ikki tomonlama uchrashuvlarni o‘tkazadi va ko‘p tomonlama tadbirlarda ishtirok etadi.
