WhatsApp messenjeri o‘z blogida kanallar ishga tushirilishi haqida maʼlum qildi.
WhatsAppdagi kanallar Telegramdagi kanallarga o‘xshash bo‘ladi. Meta messenjeri ularni maxsus katalogga joylashtiradi. Kanallarda “mahalliy davlat idoralari yangiliklari, sport, sevimli mashg‘ulotlari va boshqalarga oid kontent” namoyish etilishi kutilmoqda.
Qayd etilishicha, kanalga obuna bo‘lish uchun uni katalogdan topish yoki boshqa foydalanuvchidan taklifnoma olish kerak. Obuna bo‘lish kanallarini chatlar va hamjamiyatlardan alohida «Актуалньное» yorlig‘ida topish mumkin.
“Har qanday foydalanuvchi kanal yaratishi mumkin. Kanal maʼmurlari ulardagi kontentni nashr etishlari va undan monetizatsiya qilishlari ham mumkin. Shuningdek, ular o‘z kanallariga kim obuna bo‘lishi mumkinligini nazorat qilish, shuningdek, kanallarni ko‘rish va katalogdagi qidiruv natijalaridan kanallarni yashirishda ekranning skrinshotlarini olishni taqiqlash imkoniyatiga ega bo‘ladi”, — deyiladi xabarda.
Obunachilar faqat kontentni ko‘rishlari mumkin bo‘ladi. Ular maʼmurlar va kanalning boshqa obunachilarining shaxsiy maʼlumotlarini ko‘rmaydilar.
Bundan tashqari, bir muncha vaqt o‘tgach, kanal postlari o‘chiriladi. WhatsApp kanalning postlar tarixini o‘z serverlarida maksimal 30 kun davomida saqlab qoladi va keyinchalik obunachilarga uni o‘z qurilmalaridan undan oldinroq o‘chirishga ruxsat beradi.
Dastlab kanallar Kolumbiya va Singapurda amaliyotga tatbiq etiladi.