WhatsApp мессенжери ўз блогида каналлар ишга туширилиши ҳақида маълум қилди.
WhatsApp’даги каналлар Telegram’даги каналларга ўхшаш бўлади. Мета мессенжери уларни махсус каталогга жойлаштиради. Каналларда «маҳаллий давлат идоралари янгиликлари, спорт, севимли машғулотлари ва бошқаларга оид контент» намойиш этилиши кутилмоқда.
Қайд этилишича, каналга обуна бўлиш учун уни каталогдан топиш ёки бошқа фойдаланувчидан таклифнома олиш керак. Обуна бўлиш каналларини чатлар ва ҳамжамиятлардан алоҳида «Актуалньное» ёрлиғида топиш мумкин.
«Ҳар қандай фойдаланувчи канал яратиши мумкин. Канал маъмурлари улардаги контентни нашр этишлари ва ундан монетизация қилишлари ҳам мумкин. Шунингдек, улар ўз каналларига ким обуна бўлиши мумкинлигини назорат қилиш, шунингдек, каналларни кўриш ва каталогдаги қидирув натижаларидан каналларни яширишда экраннинг скриншотларини олишни тақиқлаш имкониятига эга бўлади», — дейилади хабарда.
Обуначилар фақат контентни кўришлари мумкин бўлади. Улар маъмурлар ва каналнинг бошқа обуначиларининг шахсий маълумотларини кўрмайдилар.
Бундан ташқари, бир мунча вақт ўтгач, канал постлари ўчирилади. WhatsApp каналнинг постлар тарихини ўз серверларида максимал 30 кун давомида сақлаб қолади ва кейинчалик обуначиларга уни ўз қурилмаларидан ундан олдинроқ ўчиришга рухсат беради.
Дастлаб каналлар Колумбия ва Сингапурда амалиётга татбиқ этилади.