Xitoylik epidemiologlar mamlakatda COVID-19 bilan kasallanishning eng yuqori cho‘qqisi yanvar oyi boshiga to‘g‘ri kelishi mumkinligini taxmin qilmoqda.
Baʼzi yirik shaharlarda, jumladan Pekinda allaqachon yangi to‘lqin boshlangan.
Hozirda Xitoyda hukm surayotgan omikron variantining yuquvchanligining yuqori darajasini inobatga olgan holda, infeksiyaning ko‘payishi birdaniga bo‘lishi kutilmoqda. Biroq Xitoy aholisining soni va mintaqaviy farqlar tufayli kasallanish cho‘qqisi turli hududlarda turli vaqtlarda sodir bo‘ladi.
Mutaxassislar kasallik "sunami"sining susayishi uchun taxminan ikki oy vaqt ketishi mumkin, degan fikrda. Shifoxonalar bemorlarning katta oqimiga tayyorlanmoqda.
