Хитойлик эпидемиологлар мамлакатда COVID-19 билан касалланишнинг энг юқори чўққиси январь ойи бошига тўғри келиши мумкинлигини тахмин қилмоқда.
Баъзи йирик шаҳарларда, жумладан Пекинда аллақачон янги тўлқин бошланган.
Ҳозирда Хитойда ҳукм сураётган омикрон вариантининг юқувчанлигининг юқори даражасини инобатга олган ҳолда, инфекциянинг кўпайиши бирданига бўлиши кутилмоқда. Бироқ Хитой аҳолисининг сони ва минтақавий фарқлар туфайли касалланиш чўққиси турли ҳудудларда турли вақтларда содир бўлади.
Мутахассислар касаллик "цунами"сининг сусайиши учун тахминан икки ой вақт кетиши мумкин, деган фикрда. Шифохоналар беморларнинг катта оқимига тайёрланмоқда.