Ilon Mask Marsni kolonizatsiya qilishni orzu qilayotgan bir paytda, Xitoyda raketa yordamida pochta yetkazib berish texnologiyasi ustida amaliy ishlar boshlab yuborildi. Mahalliy startap — Space Epoch tomonidan ishlab chiqilgan va allaqachon Alibaba bilan hamkorlik shartnomasi imzolagan ko‘p martalik raketa sinovdan o‘tkazildi.
Loyihaga ko‘ra, raketa 10 tonnagacha yukni atigi bir soat ichida dunyoning istalgan nuqtasiga yetkazib bera oladi — albatta, agar bu joylar Xitoydan raketa qabul qilishga rozi bo‘lsa. Yuklar belgilangan hududga tushiriladi va keyin mahalliy omborlarga yetkaziladi.
Bundan tashqari, ushbu raketa sun’iy yo‘ldoshlar uchirish va boshqa orbital missiyalar uchun ham foydalanilishi rejalashtirilgan. Bu tashabbus global logistika tizimida inqilobiy burilish yasashi mumkin.