Unda aytilishicha, Toshkent xalqaro aeroporti orqali xorijga uchib ketmoqchi bo‘lgan fuqaro A.A. ning xatti-harakatlari bojxonachilarda shubha uyg‘otgan.
Ushbu shaxs o‘rnatilgan tartibda tekshiruvdan o‘tkazilganida yonida 290 dona turli yillarda zarb etilgan qadimiy tangalar borligi aniqlangan.
Tangalarning asosiy qismi sobiq ittifoq davrida zarb etilgan bo‘lib, yurtimiz tarixiga oid madaniy boyliklar turkumiga kiradi.
Hozirda ushbu holat yuzasidan bojxona organlari tomonidan surishtiruv ishlari olib borilmoqda.
Avvalroq tarixiy buyumlarning xorijga olib chiqib ketish holati aniqlangani, Toshkent xalqaro aeroportida noyob sudralib yuruvchi jonzotlarni olib chiqib ketishga uringan shaxs to‘xtatib qolingani hamda “Ayritom” chegara bojxona postida Makarov to‘pponchasiga mo‘ljallangan jangovar patronning harakatiga chek qo‘yilgani haqida xabar berilgandi.
Olamgir Abdiyev