“Айритом” чегара божхона постида Макаров тўппончасига мўлжалланган жанговор патроннинг ҳаракатига чек қўйилди
Сурхондарё вилояти божхона бошқармаси “Айритом” чегара божхона постига қўшни мамлакатдан кириб келган темир йўл юк поезди юк вагонларини кўрикдан ўтказишга мўлжалланган Rapiscan G60 русумли инспекцион кўрик мажмуаси орқали белгиланган тартибда божхона назоратидан ўтказилди.
Натижада, юк вагонларидан бирининг сканер тасвирида шубҳали жисм борлиги аниқланди. Мазкур юк вагони божхона кўригидан ўтказилганда эса вагоннинг кўз илғамас ҳуфия жойига беркитилган бўш тамаки қутисида, Макаров русумли тўппонча учун мўлжалланган, контрабанда предмети ҳисобланувчи 1 дона жангавор патрон борлиги аниқланди.
Ҳозирда ушбу ҳолат юзасидан жиноят иши қўзғатилиб, терговга қадар текширув ҳаракатлари олиб борилмоқда.
