Xalqaro valyuta jamg‘armasi Rossiya-Ukraina mojarosining dunyo iqtisodiyotiga taʼsiri bo‘yicha yangi prognozlarini eʼlon qildi.
Xususan, 2022 yilda global YаIM o‘sishi 3.2 foizgacha, 2023 yilda esa 2.7 foizgacha sekinlashadi. Bu 2011 yildan buyon kuzatilayotgan eng yomon natija.
Harbiy mojaro eng ko‘p Ukraina iqtisodiyotiga zarba beradi: u bu yil 35 foizga pasayishi kutilmoqda. Yevropa uchun esa Rossiya bilan "energetik urush" qo‘shimcha tahdid sifatida qayd etilgan.
Eʼtiborli tomoni, XVJ Moskva bo‘yicha prognozlarini yaxshiladi. Unga ko‘ra, bu yil rus iqtisodiyotining 3.4 foizga (iyunda 6 foiz deb taxmin qilingandi), keyingi yilda esa 2.3 foizga pasayishi maʼlum qilingan. Bu Rossiya hukumati prognozlariga mos keladi.