Халқаро валюта жамғармаси Россия-Украина можаросининг дунё иқтисодиётига таъсири бўйича янги прогнозларини эълон қилди.
Хусусан, 2022 йилда глобал ЯИМ ўсиши 3.2 фоизгача, 2023 йилда эса 2.7 фоизгача секинлашади. Бу 2011 йилдан буён кузатилаётган энг ёмон натижа.
Ҳарбий можаро энг кўп Украина иқтисодиётига зарба беради: у бу йил 35 фоизга пасайиши кутилмоқда. Европа учун эса Россия билан "энергетик уруш" қўшимча таҳдид сифатида қайд этилган.
Эътиборли томони, ХВЖ Москва бўйича прогнозларини яхшилади. Унга кўра, бу йил рус иқтисодиётининг 3.4 фоизга (июнда 6 фоиз деб тахмин қилинганди), кейинги йилда эса 2.3 фоизга пасайиши маълум қилинган. Бу Россия ҳукумати прогнозларига мос келади.