Qashqadaryo viloyati Yakkabog‘ tumanidagi “Uyg‘ur” mahallasida o‘tgan yilning 21-oktabrida fuqaro U.E. mast holda turmush o‘rtog‘i G.H. bilan janjallashib, uni bir necha bor urib, o‘ldirib qo‘ygan erkakka sud hukmi o‘qildi.
Xabar berilishicha, sudlanuvchi U.E.ga Jinoyat kodeksi 97-moddasi 1-qismi bilan 13 yil muddatga ozodlikdan mahrum qilish jazosi tayinlangan.
«Hammadan kechirim so‘rayman, Prezidentimdan kechirim so‘rayman birinchi o‘rinda. Men bu urishimda o‘lib qoladi, deb o‘ylamaganman. Bunday niyatim ham bo‘lmagan», — degan erkak.
Lekin Marhumaning otasi K.H.ning so‘zlariga ko‘ra, kuyovi «qizini vahshiyona tarzda urib o‘ldirgan — boshiga qattiq jism bilan urib, bosh suyaklari va burnini sindirgan, ko‘zini o‘yib olgan, yurak qismiga pichoq sanchib, qiynab, qizining hayotiga nuqta qo‘ygan. Bunga asosi ham borligini aytib o‘tdi.
Eslatib o‘tamiz, hodisa yuzasidan Jinoyat kodeksining 97-moddasi (qasddan odam o‘ldirish) alomatlari bilan ish ochilgan, gumonlanuvchi U.E. qamoqqa olingan. Bu haqda viloyat prokuraturasi oradan bir oy o‘tib, 22 noyabr kuni — “Daryo” so‘rovidan so‘ng axborot bergan.