Fumio Kisida NATO sammitida ishtirok etishi mumkin. Bu haqda NHK telekanali o‘z manbalariga asoslanib xabar berdi.
Shu tariqa Kisida Shimoliy Atlantika bloki sammitiga tashrif buyurgan ilk Yaponiya bosh vaziriga aylanadi. U muzokaralar davomida Ukraina, KXDR, Xitoy atrofidagi vaziyatni muhokama qiladi va Yaponiyaning o‘z mudofaa salohiyatini kuchaytirish bo‘yicha ishlarini ochiqlaydi.
NATOning oliy darajadagi uchrashuvi 28-30 iyun kunlari Madridda bo‘lib o‘tadi. Unda alyansning yangi strategik konsepsiyasi qabul qilinishi kutilmoqda.
Avvalroq NATO Ukraina nizosida ishtirok etmasligi maʼlum qilingandi.