Фумио Кисида НАТО саммитида иштирок этиши мумкин. Бу ҳақда NHK телеканали ўз манбаларига асосланиб хабар берди.
Шу тариқа Кисида Шимолий Атлантика блоки саммитига ташриф буюрган илк Япония бош вазирига айланади. У музокаралар давомида Украина, КХДР, Хитой атрофидаги вазиятни муҳокама қилади ва Япониянинг ўз мудофаа салоҳиятини кучайтириш бўйича ишларини очиқлайди.
НАТОнинг олий даражадаги учрашуви 28-30 июнь кунлари Мадридда бўлиб ўтади. Унда альянснинг янги стратегик концепцияси қабул қилиниши кутилмоқда.
Аввалроқ НАТО Украина низосида иштирок этмаслиги маълум қилинганди.