Yaponiyaning NHK telekanali xabariga ko‘ra, mamlakatda yuz bergan dahshatli hodisada bir haydovchi maktab o‘quvchilari guruhini mashinasi bilan urib yuborgan. Hodisada yetti nafar bola turli darajada tan jarohati olgan.
Politsiya tomonidan qo‘lga olingan shaxs bu ishni ataylab qilganini tan olgan. U so‘roq vaqtida “hayotdan to‘yganini” va “maktab o‘quvchilarini o‘ldirish maqsadida” avtomobilni ularga qarata haydaganini aytgan.
Voqea yuzasidan tergov ishlari davom etmoqda. Hukumat hodisani qat’iy qoralab, jabrlanganlarga zaruriy yordam ko‘rsatilishini bildirgan.