1-iyul kuni astronomlar tomonidan koinotda aniqlangan sirli obyekt noyabr oyida Yerga sezilarli darajada yaqinlashishi mumkin. Bu haqda Garvard universiteti astrofiziklariga tayanib New York Post nashri xabar berdi.
Dastlabki hisob-kitoblarga ko‘ra, obyektning diametri 24 kilometrgacha yetadi. Ayrim tadqiqotchilar bu obyekt boshqa galaktikadan kelgan, maxsus razvedka texnologiyalariga ega sun’iy tuzilma bo‘lishi mumkinligini istisno etmayapti. Boshqalar esa bu oddiy kometa yoki quyosh tizimidan chiqarilgan fazoviy jismlardan biri bo‘lishi mumkinligini ta’kidlamoqda.
Hozirda obyekt ustida qo‘shimcha ilmiy kuzatuvlar olib borilmoqda. Olimlar har qanday xavf ehtimolini istisno qilmagan holda, uning trayektoriyasi, tarkibi va kelib chiqishi haqida batafsil ma’lumot to‘plashmoqda.