Mazkur holat yuzasidan tezkor surishtiruv ishlari o‘tkazilganda, ushbu avtobus Toshkent shahrida yo‘lovchi tashish faoliyati bilan shug‘illanuvchi “Avtosantrans-servis” MCHJga biriktirlgan, davlat raqami 01/035QBA bo‘lgan, 155-sonli yo‘nalishda harakatlanuvchi “ISUZU” rusumli avtobus haydovchisi O.Sh ekani aniqlandi.
Aniqlanishicha, haydovchisi o‘z xizmat vazifasi davomida yo‘lovchini haqoratlagani, yo‘nalishda uyali aloqa vositasidan foydalangani va tibbiy niqob taqmagani uchun vaqtincha vazifasidan chetlatilgan. Voqeaga aniqlik kiritilgandan so‘ng uning haydovchilikka loyiqlik masalasi ko‘rib chiqilgan.
Shuningdek, barcha haydovchilar bilan yana bir bor tushuntirish ishlari olib borilib, haydovchilar ustidan nazorat kuchaytirilgan.
Yuqoridagi kabi holatda tez-tez guvoh bo'lamiz. Shu bois oddiy holat sifatida qabul qilamiz. Bunga sabab isteʼmolchilarning o‘z huquq va imkoniyatlarini to‘laqonli tushunib yetmasliklaridir.
Hamyurtlarimizga shu kabi holatlarga duch kelgan taqdirda “Toshshahartransxizmat” aksiyadorlik jamiyatining 1062 ishonch raqami yoki info@tashbus.uz elektron manziliga murojaat qilishlari mumkin.
Avvalroq, jamoat transportlaridan bir oy mobaynida qancha yo‘lovchi foydalanganligi haqida xabar berilgandi.
Maftuna Rejabboyeva tayyorladi.