Qayd etilishicha, kompaniya shu yilning yozida tajriba o‘tkazgan va dislayk hisoblagichlarining yo‘qligi foydalanuvchilarning xatti-harakatiga ijobiy taʼsir ko‘rsatishini aniqlagan.
Jamoaning taʼkidlashicha, odamlar ko‘pincha ko‘p sonli dislayklarga tayanib u yoki bu videoni ko‘rmaydi.
“Biz ijodkorlar muvaffaqiyatga erisha oladigan va o‘zlarini xavfsiz ifoda etish kuchini his eta oladigan inklyuziv va hurmatli muhit yaratmoqchimiz”, — deyiladi YouTube bayonotida.
Shu bilan birga, layk qo‘yish imkoniyati saqlanib qolinadi. Yoqtirmaganlar haqidagi maʼlumotlar YouTube Studio‘da video ijodkorlar kontenti samaradorligini baholash uchun mavjud bo‘lib qoladi. Ammo kontent foydalanuvchilari hisoblagichni ko‘rish qobiliyatini yo‘qotadi.
Videoxosting matbuot xizmati ushbu choralarni “tomoshabinlar va mualliflar o‘rtasidagi hurmat muloqotini taʼminlash uchun” ko‘rilganini qo‘shimcha qildi. YouTube o‘zgarishlar bugundan boshlab barcha foydalanuvchilar uchun bosqichma-bosqich joriy etilishini aytdi.
Eslatib o‘tamiz, avvalroq Youtube va Google endi iqlim o‘zgarishiga qarshi bo‘lgan sahifalarni reklama va to‘lovlardan mahrum qilgani haqida xabar berilgandi.
Nasibaa To‘xtayeva