Bu status mazkur obyektlar uchun qayg‘urish va ularni kelajak avlodga yetkazish zarurligini bildiradi. 16 iyul kuni tashkilot qo‘mitasi bu ro‘yxatga yana nimalarni qo‘shishni muhokama qilish uchun yig‘iladi.
Sessiyada shuningdek, xavf ostidagi joylar muhokama qilinadi. Yaʼni, agar ular biror hodisa sabab ro‘yxatga kiritilgan o‘ziga xosligidan mahrum bo‘lsa, undan chiqarilishi mumkin.
Umumiy hisobda 7 ta shunday obyekt aniqlangan. Ularga inson faoliyati yoki tabiiy ofatlar xavf solmoqda.
Ayni payida 2 ta obyekt ro‘yxatdan butunlay o‘chirilishi mumkin.
Bundan avval faqat 2 marta: 2007 va 2009 yillarda shunday hodisa ro‘y bergan.
Endi Tanzaniyadagi Selus qo‘riqxonasi to‘g‘on qurilishi tufayli va Britaniyadagi Liverpul port shahri ro‘yxatdan chiqarilishi mumkin. YUNESKO u yerdagi zamonaviy binolar port ko‘rinishini buzayotganidan xavotirda.
Shuningdek, Avstraliyadagi Katta baryer rifi ham ro‘yxatdan chiqarilishi mumkin. Tashkilot uning korallari yo‘qolishi mumkin, deb hisoblaydi. Shiddatli turizmdan aziyat chekayotgan Venetsiya suv havzalari, Kamchatka vulqonlari, Budapesht, Albaniya va Shimoliy Makedoniyaning Oxrid tumani tabiat va madaniyat yodgorliklari, G‘arbiy Afrikadagi qo‘riqxonalar tizimi va Nepaldagi Katmandu vodiysiga ham xuddi shu xavf tahdid solmoqda.
Qo‘mitaning 44 sessiyasi Xitoyning Fuchjou shahrida onlayn formatda ish boshlaydi.
Sharofat Mahmudova