Hokimlikning maʼlum qilishicha, shu yilning iyun oyida Qarshi shahridagi “Orzu” savdo majmuasida viloyat prokurori va shahar hokimi tomonidan o‘rganishlar olib borilib, bozor oldidagi shaharsozlik normalariga javob bermaydigan savdo do‘konlari, rastalar va boshqa noqonuniy qurilmalar, sanitariya-gigiyena qoidalariga zid holatlar aniqlanib, ularni bartaraf etish choralari ko‘rilgan.
Shuningdek, bozor va uning atrofida obodonlashtirish ishlari olib borilib, tozalanib tartibga keltirilgan.
Bugun o‘rganishlar jarayonida ayrim sotuvchilar yana o‘zboshimchalik bilan oziq-ovqat hamda nooziq-ovqat mahsulotlarini bozor oldiga chiqarib noqonuniy savdo qilayotgani aniqlandi. Ushbu holat tegishli masʼullar va bozor maʼmuriyati tomonidan nazoratga olinib, bozor atrofini tartibga keltirish, sanitariya-gigiyena qoidalariga zid holatlarni bartaraf etish choralari ko‘rildi. Bozor oldi va bozorga kirish joylari tozalandi.