Ҳокимликнинг маълум қилишича, шу йилнинг июнь ойида Қарши шаҳридаги "Орзу" савдо мажмуасида вилоят прокурори ва шаҳар ҳокими томонидан ўрганишлар олиб борилиб, бозор олдидаги шаҳарсозлик нормаларига жавоб бермайдиган савдо дўконлари, расталар ва бошқа ноқонуний қурилмалар, санитария-гигиена қоидаларига зид ҳолатлар аниқланиб, уларни бартараф этиш чоралари кўрилган.
Шунингдек, бозор ва унинг атрофида ободонлаштириш ишлари олиб борилиб, тозаланиб тартибга келтирилган.
Бугун ўрганишлар жараёнида айрим сотувчилар яна ўзбошимчалик билан озиқ-овқат ҳамда ноозиқ-овқат маҳсулотларини бозор олдига чиқариб ноқонуний савдо қилаётгани аниқланди. Ушбу ҳолат тегишли масъуллар ва бозор маъмурияти томонидан назоратга олиниб, бозор атрофини тартибга келтириш, санитария-гигиена қоидаларига зид ҳолатларни бартараф этиш чоралари кўрилди. Бозор олди ва бозорга кириш жойлари тозаланди.