Япония Соғлиқни сақлаш, меҳнат ва ижтимоий таъминот вазирлиги маълумотларига кўра, 2025 йилда мамлакатдаги бошланғич ва ўрта мактаб ўқувчилари орасида ўз жонига қасд қилиш ҳолатлари рекорд даражага етди. Жорий йилда 532 нафар мактаб ўқувчиси ўз жонига қасд қилган. Бу ҳақда ТАСС нашри хабар берди.
Бу кўрсаткич 1980 йилдан бошлаб юритилаётган статистика тарихида энг юқори даражадир. Статистикага кўра, қизлар ўғил болаларга қараганда кўпроқ ўз жонига қасд қилишади. Болалар орасида энг юқори кўрсаткич ўрта мактаб ўқувчилари орасида (349 ҳолат) қайд этилган.
Шу билан бирга, Японияда 124 миллион аҳолиси орасида ўз жонига қасд қилишнинг умумий даражаси пасаймоқда. 2025 йилда мамлакатда жами 20 000 дан кам шахс ўз жонига қасд қилган.