Божхона институтига ҳужжатлар қабул қилиш муддати эълон қилинди.
Божхона институтига ўқишга кириш учун ҳужжатлар 2026 йил 1 январдан 1 апрелга қадар қабул қилинади.
Номзодлар доимий яшаш жойи, таълим олаётган ҳудуди ёки муддатли ҳарбий хизматни ўтаётган жойида жойлашган божхона бошқармаларига мурожаат этишлари мумкин.
Маълумот учун, Божхона институти олий ҳарбийлаштирилган таълим муассасаси ҳисобланади.
Божхона институтига қуйидаги шахслар танлов асосида қабул қилинади:
- умумий ўрта, ўрта махсус ёки касб-ҳунар таълими маълумотига эга;
- ҳарбий хизматни ўтамаган, 17 ёшдан 23 ёшгача бўлган фуқаролар (шу жумладан, ўқишга қабул қилинган йили 17 ёшга тўладиган ва 23 ёшда бўлганлар);
- 18 ёшдан 25 ёшгача бўлган, офицерлар таркиби ҳарбий унвонларига эга бўлмаган ҳарбий хизматчилар ва ҳарбий хизматга мажбурлар (шу жумладан, ўқишга қабул қилинган йили 18 ёшга тўладиган ва 25 ёшда бўлганлар).
Батафсил: https://lex.uz/docs/-4313560