Бугун, 10 май куни Франция президенти Эммануэл Макрон, Германия канцлери Фридрих Мертс, Британия бош вазири Кир Стармер ва Полша бош вазири Доналд Туск Киевга ташриф буюрди. Улар президент Владимир Зеленский билан учрашиб, Россияни 30 кунлик оташкесимга чақиришни режалаштирмоқда.
Макрон ташриф эълон қилинганида тўрт етакчининг умумий суратини улашиб, “Биз Киев йўлида — Украина учун, европа учун” деб изоҳ қолдирди. АФП агентлиги бундай йирик ҳамкорлар бир вақтда Украинага бориши тарихий ҳолат эканини таъкидлади.
Бундан аввал АҚШ президенти Доналд Трамп Зеленский билан суҳбатдан сўнг Россияга 30 кунлик сулҳ таклиф қилиниши ва рад жавоби бўлса, янги санкциялар жорий этилиши режалаштирилаётганини билдирган эди.