Ўзбекистон миллий терма жамоаси ҳамда Англиянинг “Manchester City” клуби марказий ҳимоячиси Абдуқодир Хусанoв Goalpost нашри томонидан 2025 йилнинг Осиёдаги энг яхши ёш футболчиси деб эътироф этилди. У ушбу рейтингда Осиёнинг бир қатор етакчи мамлакатларидан чиққан ёш футболчиларни ортда қолдирди.
2025 йил Хусанoв учун фаолиятидаги энг муҳим даврлардан бири бўлди. Январ ойида у “Manchester City” сафида қўшилиб, Англия Премьер-лигасида дебют қилган илк ўзбек футболчиси сифатида тарихга кирди. Жорий мавсумда ҳимоячи “шаҳарликлар” сафида 9 та учрашувда майдонга тушиб, ишончли ўйин намойиш этди.
Июн ойида Абдуқодир Хусанoв Ўзбекистон терма жамоаси билан бирга Жаҳон чемпионатига йўлланмани қўлга киритишда муҳим ҳисса қўшди. Унинг барқарор ўйини ва майдондаги етакчилик фазилатлари мутахассислар томонидан юқори баҳоланмоқда.
Шунингдек, Хусанoв The Athletic нашри томонидан тузилган дунёдаги энг кучли 100 футболчи рейтингида 86-ўринни эгаллади. Бу натижа ёш футболчининг нафақат Осиёда, балки жаҳон миқёсида ҳам эътироф этилаётганидан далолат беради.