Замдекан воқеасидан хулосам: аёллар эркаклардан ҳамжиҳатликни, эркаклар аёллардан холисликни ўрганишлари керак экан.
Адолатли қарор бўлсин, айнан шу воқеада бирон томоннинг тарафини олмоқчи эмасман, суд қарорини кутаман.
Бироқ бу ишдан қатъи назар, зўравонлик кўп, ошкор қилинмаётган қанча ҳолатлар бор, билсангиз миянгиз портлайди, одам чидолмайди…
чунки исботлаш қийин, курашиш қийин, охиригача бориш қийин, оқибатларига чидаш қийин…
бу оғир йўлдан юришга кучи ё имконияти йўқларга ҳам ёрдам зарур!
Зўравонлик деб туҳмат билан қамалган нечта одамни биласиз???
Мен зўравонликка дучор бўлганини айтмай юрган неча қурбонларни биламан. Қамалгач, муддатнинг ярмини ҳам ўтамаган кўплаб зўравонларни биламан…
Балки қурбонлар бирлашарлар, шахси анонимликни сақлаган ҳолда клубми, жамиятми қилиб, бир-бирларини қўллаб, далда бўларлар.
Масалан, ногиронлар жамияти каби… чунки зўравонлик қурбонлари ҳам бир умрга мажруҳ бўладилар, бу чандиқни кўтариб бир умр яшайдилар…
Ёки ҳеч бўлмаса аноним тарзда тиббий, психолок ва бошқа ёрдам берадиган марказ керакдир, қисқа рақамли қайноқ линияси билан (ИИВ зўравонликка қарши кураш тузилмаси ёки аёллар реаблитация марказларини айтманглар, гап жинсий зўравонлик ҳақида кетяпти, қурбон ва яқинлари шахси ошкор бўлишини умуман истамайди, қизлар ота-онаси, ака-укалари билишини исташмайди ҳатто, ариза ёзмай, исмини айтмай ёрдам сўраш имкони керак!)
Фақат жанжал, қарши кураш эмас, оқибатлар билан курашиш тизими ҳақида ҳам ўйлаш лозим.
Оқибатларнинг энг каттаси ва энг ёмони эса зўравонликка нисбатан баҳссиз, мутлақ, якдил тоқатсизликнинг йўқлигидир.
