Дубай–Тошкент йўналишида учиб келган уч нафар фуқаро божхона назоратидан ўтаётган вақтда йирик миқдордаги тақинчоқларни яширин олиб ўтишга урингани фош этилди.
Божхона ходимларининг оғзаки сўрови давомида фуқаро томонидан ҳеч қандай заргарлик буюмлари борлиги айтилмаган. Бироқ текширув жараёнида уларнинг багажидан ва шахсий буюмларидан қарийб 1 миллиард сўмлик қимматбаҳо тақинчоқлар аниқланган.
Мазкур ҳолат юзасидан ҳуқуқий чоралар кўрилмоқда. Расмийларга кўра, бу божхона қоидаларини бузиш бўйича жиддий қонунбузарлик ҳисобланади.