Унинг айтишича, ушбу келишувга мувофиқ, Афғонистон кўмири Покистон ўрнига эндиликда Ўзбекистонга экспорт қилади. Ўзбекистон ҳам Афғонистонга юқори сифатли цемент ва дори-дармон маҳсулотларини экспорт қилишни режалаштирилган, Бу ҳақда Afganistan International хабар қилди.
Чегара пунктларининг ёпилиши ва Покистон билан савдонинг узилиши “Толибон”ни қўшни ва минтақавий давлатлар, хусусан, Эрон ва Ўзбекистон билан савдо алоқаларини кучайтиришга ундамоқда.
“Толибон” расмийлари бундан олдин Афғонистоннинг қишлоқ хўжалиги маҳсулотлари Ўзбекистон ҳаво йўли орқали Марказий Осиё, Жанубий Осиё ва Европа бозорларига экспорт қилинишини ҳам эълон қилган эди.
“Толибон”нинг иқтисодий масалалар бўйича бош вазир ўринбосари тадбиркорларни савдо ва транзит учун муқобил йўлларни излашга чақирган.
Айни пайтда, Молия вазирлиги Покистон билан савдо алоқаларининг узилиши Афғонистон савдосига салбий таъсир кўрсатмаганини ва божхона тушумлари камаймаганини таъкидлаган. Вазирлик муқобил каналлар орқали савдо алоқаларини мустаҳкамлашда тадбиркорларни тўлиқ қўллаб-қувватлашини билдирган.
Кобул ва Исломобод ўртасидаги кескинликнинг кучайиши ортидан Торхам чегара пунктининг ёпилиши октябрь ойида Афғонистон ва Покистон савдосига ҳамда иқтисодиётига 4,5 миллиард доллардан ортиқ зарар етказганини қайд этилган.
Шоҳжаҳон Мажидов