Илон Маскнинг танқидчилари Тесла компаниясининг автосалонлари ва ҳаттоки шахсий автомобилларига ҳужум қилишда давом этмоқда. Ушбу вандализм ҳаракатлари Оқ уй даражасида ҳам муҳокама қилинмоқда.
АҚШ президенти Доналд Трамп Оқ уйда нутқ сўзлаб, бу ҳужумларни қоралади ва айбдорларни “террорчилар“ деб атади. У вандализм ҳаракатларини оғир жиноят деб баҳолаб, ҳужумчилар 20 йилгача қамоқ жазосига ҳукм қилиниши мумкинлиги ҳақида огоҳлантирди.
Тесла компаниясига қилинган ҳужумлар Илон Маскнинг давлат харажатларини қисқартириш мақсадида давлат хизматчиларини оммавий ишдан бўшатишига жавоб сифатида юзага келган норозилик ҳаракатларининг бир қисми экани айтилмоқда.
Ҳозирча Тесла ва Маск ушбу вазият бўйича расмий баёнот бермаган, аммо ҳужумлар автомобиль саноати ва Маскнинг бизнес империясига жиддий хавф туғдираётгани аниқ.