Ilon Maskning tanqidchilari Tesla kompaniyasining avtosalonlari va hattoki shaxsiy avtomobillariga hujum qilishda davom etmoqda. Ushbu vandalizm harakatlari Oq uy darajasida ham muhokama qilinmoqda.
AQSH prezidenti Donald Tramp Oq uyda nutq so‘zlab, bu hujumlarni qoraladi va aybdorlarni “terrorchilar” deb atadi. U vandalizm harakatlarini og‘ir jinoyat deb baholab, hujumchilar 20 yilgacha qamoq jazosiga hukm qilinishi mumkinligi haqida ogohlantirdi.
Tesla kompaniyasiga qilingan hujumlar Ilon Maskning davlat xarajatlarini qisqartirish maqsadida davlat xizmatchilarini ommaviy ishdan bo‘shatishiga javob sifatida yuzaga kelgan norozilik harakatlarining bir qismi ekani aytilmoqda.
Hozircha Tesla va Mask ushbu vaziyat bo‘yicha rasmiy bayonot bermagan, ammo hujumlar avtomobil sanoati va Maskning biznes imperiyasiga jiddiy xavf tug‘dirayotgani aniq.