Уюштирилаётган уч кунлик тўй маросимининг хавфсизлиги кескин оширилган. Тадбирларнинг бошланиши Мадонна деллЪОрто черковида, давом эттириш Сан Гиоргио ороли ва якуний тантана Венеция тарихий Арсенал ҳудудида бўлиб ўтади. Бу ҳақда Reuters ахборот агентлиги хабар берган.
Хабарларга кўра, норозилар гуруҳлари тўйни “Бойлар Венецияни ўзлари учун хусусий боғга айлантирмоқда” деб танқид қилишмоқда. Бу эса тадбир хавфсизлигини кескин кучайтиришга сабаб бўлди. Безос хавфсизлик хизматлари орқали бутун Aman Venice меҳмонхонасидаги хоналар ва коридорларни тозалатган, ҳаттоки шкафлар, рамка орти деворлар ҳам текширувдан ўтказилган. Бундан ташқари, St. Regis меҳмонхонасида ҳам бир неча итальян полицияси патруллари жойлашган, меҳмон хоналарига киришда кучли назорат амалга оширилган.
Тадбирга Опраҳ Винфрей, Том Брадй, Ким Кардашиан, Миск Жаггер, Леонардо ДиСаприо, Катй Перрй, Орландо Блоом, Иванка Трумп ва Жаред Кушнер, Диане вон Фурстенберг, Баррй Диллер, Билл Гатес кабилар таклиф қилинган . Шунингдек, Безос ва Санчес тадбирларга совға ўрнига Венециянинг маданий-ҳаяти ва экологик манфаатларига йўналтирилган донорлик фондини ташкил этган: СОРИЛА, УНEССО Венеция идораси ва Венисе Интернатионал Университй жамғармасига 3 миллион евро ажратилган.
Греэнпеасе ва “Но Спасе фор Безос” каби экофаол гуруҳлар баннерлар билан чиқиш қилиб, “Агар Венецияни тўй учун ижарага олиш мумкин бўлса, кўпроқ солиқ тўлансин” дея чиқиш қилган. Венеция мери ва ҳудуд раҳбарлари эса бу тўй шаҳар иқтисодиётига сезиларли даромад келтиради, деб таъкидлаган.
Жефф Безос ва Лаурен Сáнчезнинг Венецияда ўтаётган дабдабали тўйида нафақат хавфсизлик ва меҳмонлар таркиби, балки ширинликлар ҳам алоҳида эътиборда.
Маросим учун махсус тортни тайёрлаш учун дунёга машҳур француз қандолатчиси Сéдрис Гролет тайинланган. У гастрономик санъат оламида ўзининг ноодатий ва безакли десертлари билан танилган бўлиб, айниқса, эклер ва мевасимон форматдаги тортлари билан машҳур.
Маълумотларга кўра, тўй учун тайёрланаётган бош десерт — Гролетънинг муҳрига айланган гигант эклерли торт бўлади. Унда майда эклерлар бадиий услубда пирамида шаклида жойлаштирилади — нафақат мазали, балки визуал жиҳатдан ҳам ҳақиқий саҳна асарига айланиши кутилмоқда.