Андижон шаҳрида Давлат Божҳона қўмитаси ва ҳуқуқни муҳофаза қилувчи органлар ходимлари томонидан йирик миқдордаги заргарлик буюмларининг ноқонуний айланмасига чек қўйилди. Ҳодиса фуқаро посилкани олаётган пайтда аниқланди.
Жўнатма очилганда, умумий оғирлиги 1 кг 138 г бўлган 175 та олтин буюмлари топилди. Ушбу буюмларни олиб ўтаётган шахсда божҳона расмийлаштируви ва сифат ҳужжатлари йўқ эди.
Олиб қўйилган нарсанинг дастлабки баҳоси қарийб 2 миллиард сўмни ташкил этади. Ҳозирда мазкур ҳолат бўйича текширув олиб борилмоқда.