Президентнинг сўзларига кўра, мамлакатда ушбу тоифадаги барча болаларни эмлаш учун вакциналар етарли.
Унинг аниқлик киритишича, расмийлар ҳозирда АҚШ Соғлиқни сақлаш ва одамларга хизмат кўрсатиш вазирлиги ҳузуридаги Озиқ-овқат ва фармацевтика идораси, шунингдек, Касалликларни назорат қилиш ва профилактика марказлари мутахассисларининг якуний тасдиғини кутмоқда.
"Бир неча ҳафта ичида улар қарор қабул қилишлари керак", — деди Байден. — Агар тасдиқланса, болаларни эмлаш ота-оналар учун қулай тарзда ташкил қилинади, — деб ваъда берди.
Эслатиб ўтамиз, сентябрь ойи охирида Pfizer беш ёшдан ошган болаларни эмлаш учун хавфсиз экани маълум қилинганди.
Бундан аввал Россия Соғлиқни сақлаш вазирлиги бурунга сепиладиган спрей кўринишидаги "Sputnik V" коронавирусга қарши вакцинаси синовларининг иккинчи босқичини ўтказишга рухсат бергани ҳақида хабар берилганди.
Насиба Тўхтаева