Фергюсон АҚШни XX аср биринчи ярмида заифлашган Буюк Британия империяси билан солиштириб, Вашингтон унинг йўлини такрорлаётганини қайд этди. Бунга ташқи сиёсатдаги ҳодисалар–Афғонистондан аскарларни эвакуация қилиш ва АҚШ иқтисодиётининг пасайиши гувоҳлик бермоқда.
Тадқиқотчининг фикрича, Вашингтон Британияда мавжуд бўлган улкан колонияларга эга эмас. Шунга қарамай, 150 мамлакатда ўзининг ҳарбий базаларига эга. “Бундай катта глобал масъулиятга эришиш осон бўлмаган. Лекин ундан қутулиш осон бўлади деб ўйлаш – янглишишдир”, - деб айтган Фергюсон.
У АҚШ гегемонлиги тугаши ва Хитойнинг буюк давлат сифатида саҳнага чиқиши Шарқий Осиёда икки давлатнинг тўқнашувига олиб келишига ишонмоқда. Кучлар нисбатининг ўзгариши Пекин ва Вашингтон ўртасида Тайван назорати учун жиддий ҳарбий низо вужудга келади.
Бу эса АҚШга қийин танловни олдига қўяди Биринчиси, узоқ ва оғир қуролли тўқнашувга қўшилиш, иккинчиси, Хитойга ён бериш.
Эслатиб ўтамиз, аввалроқ Пентагон собиқ ходими Элбриж Колби Вашингтонни Хитой билан тўқнашувга тайёр туришга чақирганди.
Жаҳонгир Қўзиев