АҚШ Давлат департаменти аввалроқ Вашингтон томонидан Москвага юборилган хавфсизлик таклифларига Россиядан ёзма жавоб олганини тасдиқлади.
Бу ҳақда ТАСС маълум қилди.
Шу билан бирга, Америка Ташқи ишлар вазирлиги ҳеч қандай маълумот беришдан ва ҳужжат мазмунини ошкор қилишдан бош тортган.
"Омма олдида музокара қилиш унумли бўлмайди, шунинг учун биз Россияга, агар хоҳласа, уларнинг жавобини муҳокама қилиш имкониятини қолдирамиз. Биз бу муаммоларни ҳал қилиш учун диалогга тўлиқ содиқ қоламиз", деди ТИВ расмий вакили.
Маълумот учун: АҚШ Давлат котиби Энтони Блинкен АҚШнинг Россия Федерациясига "хавфсизлик кафолатлари" бўйича жавоби мазмунини ошкор қилган эди. Ёзма жавобда Ақш ва иттифоқчилар ўз фикрларини билдирди. Россиянинг талаблари ҳам баҳоланиб, Вашингтон ва Кремль тил топиша оладиган соҳалар аниқланди.
Эслатиб ўтамиз, АҚШ Бразилия президентига босим ўтказаётгани хабар қилинганди