АҚШ Президенти Дональд Трамп Россияга қарши янги санкциялар жорий этишга тайёрлигини маълум қилди. Бу ҳақда у Оқ уйда журналистлар саволларига жавоб берар экан айтди.
Давлат раҳбари қўшимча тафсилотларни ошкор қилмаган бўлса-да, ушбу баёнот фонда АҚШ маъмуриятида Россияга қарши босим чораларини кучайтириш масаласи муҳокама қилинётгани маълум қилинди.
Оқ уй Миллий иқтисодий кенгаши раиси Кевин Хассетт CBS News телеканалига берган интервьюсида АҚШ ҳукумати яқинда Россиянинг Украинага қилган ҳарбий ҳужумлари сабаб Кремлга нисбатан янги санкциялар пакети жорий этиш имкониятини кўриб чиқаётганини тасдиқлади. Унга кўра, якуний қарорни Президент Трампнинг ўзи қабул қилади.
Маълумот учун, АҚШ ва Ғарб давлатлари Россиянинг Украинадаги ҳарбий амалиётлари ва халқаро ҳуқуқни бузган ҳаракатлари учун 2022 йилдан буён кетма-кет иқтисодий ва молиявий санкциялар жорий қилиб келмоқда.