Бу ҳақида Қўшма Штатларнинг Киевдаги элчиси Бриджит Бринк Х ижтимоий тармоғидаги саҳифасида маълум қилди.
"Биз АҚШ фуқароларини ҳушёр бўлишга, Украина расмий манбаларининг хабарларини кузатишга ва ҳаво ҳужуми ҳақида огоҳлантирилган тақдирда бошпаналарга боришга тайёр бўлишга чақирамиз", — дейилади элчининг баёнотида.
Эслатиб ўтамиз, 20 ноябрь куни Қўшма Штатларнинг Киевдаги элчихонаси "эҳтимолий кенг кўламли ҳаво ҳужуми таҳдиди" туфайли вақтинчалик фаолият юритмаслигини эълон қилган эди. Шундан сўнг, яна бир қатор давлатларнинг Украинадаги элчихоналари ҳам ёпилганди. Қайд этиш жоизки, кеча Украинада ҳеч қандай ҳаво ҳужуми содир бўлмади.