АҚШ президенти Жо Байден бошқа давлатлар вакилларига украиналик учувчиларни Америка F-16 қирувчи самолётларини бошқаришга ўргатишларига рухсат берди. Бу ҳақда Пентагон матбуот котиби ўринбосари Сабрина Сингх матбуот брифингида маълум қилди.
«Президент машғулотларга рухсат бериш ва уни қўллаб-қувватлаш учун яшил чироқ ёқди», — деди АҚШ Мудофаа вазирлиги вакили.
Расмий бошқа маълумот бермади, лекин Дания ва Голландия украиналик учувчиларни тайёрлашда етакчи роль ўйнашини таъкидлади.
Маълумот учун, 2023 йил бошидан бери Украина ҳукумати Ғарб давлатларидан Украинага замонавий қирувчи самолётлар, жумладан, Америка F-16 самолётлари етказиб беришни бошлашни фаол сўрамоқда. Июль ойида АҚШ Миллий хавфсизлик кенгашининг стратегик алоқалар бўйича координатори Жон Кирби Украина самолётни йил охиригача олиши мумкинлигини айтган эди .
Шунингдек, июль ойида Дания ва Нидерландия бошчилигидаги 11 давлатдан иборат коалиция украиналик учувчиларни F-16 самолётларида учишини ўқитишни бошлашга тайёрлигини, бироқ АҚШнинг расмий рухсатисиз буни амалга ошира олмаслигини хабар қилган эди.