АҚШнинг Монтана штатида пиво ортилган 25 та вагон рельсдан чиқиб кетди. Бу ҳақда NBC Montana хабар берди.
Ҳодиса оқибатида ҳеч ким жабрланмаган, атроф-муҳитга ҳам хавф йўқлиги айтилмоқда.
Штат губернатори Грег Жианфорте ҳалокат оқибатларини юмшатиш учун “штат ресурсларини сафарбар қилишга тайёр”лигини билдирган.
АҚШда сўнгги вақтларда кўплаб вагонлар рельсдан чиқиб кетмоқда. Масалан, ўтган ҳафтада Массачусетсда чиқинди ортилган таркиб ҳалокатга учраганди.