AQSHning Montana shtatida pivo ortilgan 25 ta vagon relsdan chiqib ketdi. Bu haqda NBC Montana xabar berdi.
Hodisa oqibatida hech kim jabrlanmagan, atrof-muhitga ham xavf yo‘qligi aytilmoqda.
Shtat gubernatori Greg Jianforte halokat oqibatlarini yumshatish uchun “shtat resurslarini safarbar qilishga tayyor”ligini bildirgan.
AQSHda so‘nggi vaqtlarda ko‘plab vagonlar relsdan chiqib ketmoqda. Masalan, o‘tgan haftada Massachusetsda chiqindi ortilgan tarkib halokatga uchragandi.