Бирлашган Араб Амирликларининг Дубай шаҳрида ўтказилаётган бокс бўйича ИБА жаҳон чемпионати Ўзбекистон терма жамоаси учун муваффақиятли давом этмоқда. Навбатдаги олтин медаль -67 кг вазн тоифасида рингга кўтарилган Асадхўжа Мўйдинхожаев ҳисобига ёзилди.
Кескин ва муросасиз кечган финал жангида Асадхўжа Мўйдинхожаев россиялик боксчи Эвгений Коол устидан устун келиб, жаҳон чемпионлигини қўлга киритди. Ушбу ғалаба орқали у мусобақанинг энг кучли спортчиларидан бири эканини яна бир бор исботлади.
Айни пайтда чемпионатнинг финал баҳслари давом этмоқда. Бугун яна уч нафар ўзбекистонлик боксчи — Жавоҳир Умматалиев (-80 кг), Тўрабек Ҳабибуллаев (-92 кг) ва Арман Маҳанов (+92 кг) олтин медаль учун рингга кўтарилиши кутилмоқда.