Австралиянинг ғарбий қисмига «Илза» номли кучли тропик циклон ёпирилди.
Циклон сўнгги 14 йилдаги энг кучли табиий офат бўлди. Соатига 288 км тезликда эсган шамол уйлар ва бошқа турдаги биноларни вайрон қилган, дарахтлар ҳамда сим ёғочлар қулаган. Қурбонлар ва жароҳат олганлар ҳақида ҳозирча расмий маълумот йўқ.
Циклон ёпирилган ҳудуд мамлакатнинг саноат маркази саналади. Вилоятда олтин, темир ва мис қазиб олиш учун кўплаб конлар мавжуд. Жойларда хавфнинг «қизил» даражаси эълон қилинган.