Ўзбекистоннинг барча ҳудудларида тест синовлари якунланди. Бу ҳақда Билим ва малакаларни баҳолаш агентлиги хабар бермоқда.
Маълумки, 2023 йил 1 август куни 2023-2024-ўқув йили учун Қорақалпоғистон Республикаси, вилоятлар ва Тошкент шаҳрида ОТМларнинг бакалавриат таълим йўналишларига кириш тест синовлари бошланган эди.
Бугун, 13 август куни барча ҳудудларда тест синовлари якунланди.
Бунда жараёнлар:
—4 август куни — Фарғона вилоятининг Сўх туманида;
—11 август куни — Сирдарё вилоятида;
—12 август куни — Бухоро, Жиззах ва Хоразм вилоятларида;
—13 август куни — қолган ҳудудларда ўз якунига етди.
Агентлик хабарига кўра, тест синовлари тўлиқ якунлангандан сўнг бир ҳафта ичида абитуриентларнинг талабаликка тавсия этилган ёки этилмагани бўйича якуний танлов натижалари эълон қилинади.