Бугун, 4 июль куни Ўзбекистон ТИВ раҳбари Бахтиёр Саидов Малайзия ташқи ишлар вазири Замбри Абдул Қодир билан учрашув ўтказди.
Самарали мулоқот давомида мамлакатларимиз ўртасида кашф этилмаган кенг имкониятлар кўриб чиқилди. Шунингдек, Ўзбекистон ва Малайзия ташқи ишлар вазирликлари ўртасида 2023-2026 йилларга мўлжалланган ҳамкорлик дастури ҳам имзоланди.
Учрашув кун тартиби кенг кўламли бўлиб, ундан ҳар томонлама ҳамкорликни кенгайтириш, иқтисодий дипломатияни устувор йўналиш сифатида жадаллаштириш, туризмни ривожлантириш, муносабатларимизнинг шартномавий-ҳуқуқий асосларини мустаҳкамлаш ҳамда минтақавий ва глобал миқёсдаги масалалар ҳам ўрин олди.