Ўзбекистон ташқи ишлар вазири Бахтиёр Саидов 26 апрель куни Хитойнинг Сиань шаҳрида Хитой Давлат кенгаши аъзоси, ташқи ишлар вазири Цинь Ган билан учрашди. Бу ҳақда Саидов Telegram каналида хабар берди.
“Музокараларимиз жуда самарали бўлди. Мамлакатларимиз ўртасидаги икки томонлама ҳамкорлик мисли кўрилмаган суръатда ривожланмоқда”, — деб ёзади Саидов.
Саидов, шунингдек, Шэньси провинцияси партия котиби Чжао Иде билан учрашиб, Ўзбекистон-Хитой ҳудудлараро алоқаларини ривожлантириш масалаларини кўриб чиққан. Таъкидланишича, экологик тоза технологиялар, инновация, қишлоқ хўжалиги, фан-таълим, маданият, туризм соҳаларидаги ҳамкорлик истиқболлари муҳокама қилинган.