Давлат думасининг Қрим вилояти депутати Михаил Шеремет АҚШ президенти Жо Байденни даволаниш учун Қримга келишни таклиф қилди.
“Менимча, Қўшма Штатларда Байденни шунчаки масхара қилишади. Биз ундан жиддий хавотирдамиз. Ишончим комилки, унда тўпланган касалликлар сурункали безовталик билан боғлиқ бўлиб, бу америкалик тарғиботчилар қанчалик ҳаракат қилишмасин, телевизор экранларида яққол акс этади. Байден Қримга даволаниш учун келиши мумкин. Россияда тоза ҳаво, замонавий тиббий жиҳозлар ва энг яхши шифокорлар бор”, — деди Шеремет.
Унинг сўзларига кўра, АҚШ президентига буюк ваколатлар берилган ва унинг давлати ядровий қуролга эга, шунинг учун бутун дунё унинг ақли расолигидан манфаатдор.
“Афсуски, Байденнинг атрофидагилар уни назорат қилиш мумкин бўлган қўғирчоқ сифатида ишлатишади”, — деди депутат.
Шеремет Қримга ташриф буюрган Байден ватанига соғлом фикрли ва халқаро сиёсатда адекват қарорлар қабул қилиш қобилиятига эга бўлган мутлақо бошқа шахс бўлиб қайтишини айтган.